“Duke pritur vendimin”, është ky komenti që Altin Tafa ka shoqëruar foton e tij ditën e djeshme. Shoferi i Ministrisë së Jashtme, që u dënua dje, së bashku me Agim Asllanin me 30 muaj burg në Greqi ka reaguar në mënyrë të shkujdesur në rrjetet sociale.
Në Facebook Tafa ka postuar një “selfie”, teksa pi puro, ku duket i pashqetësuar nga vendimi i gjykatës greke. Me satirë ka zgjedhur ta presë këtë lajm, një nga protagonistët e kësaj ngjarjeje, teksa krahas fotos ka postuar dhe një nga portalet online ku shkruhej lajmi për dënimin e tyre.
