Kryeministri, Edi Rama, ka pritur këtë të premte në një takim delegacionin grek. Lajmi është bërë i ditur nga vetë kreu i qeverisë, i cili ka ndarë disa foto në rrjetin social “Facebook”, ku shfaqet në praninë e Ministrit të Jashtëm grek Giorgos Gerapetritis. Ky i fundit ndodhet në Tiranë në kuadër të samitit të ministrave të Jashtëm të Ballkanit Perëndimor.
Takimi vjen në kulmin e tensioneve mes Tiranës dhe Athinës për shkak të arrestimit të Belerit.
Athina zyrtare ka bërë thirrje që Beleri të lejohet të betohet, ndërkohë që ka paralajmëruar për ngrirje të marrëdhënieve mes dy vendeve.
Ndërkaq, qeveria shqiptare nga ana tjetër ka thënë se nuk ndërhyn në punët e gjyqësorit dhe se fjalën e fundit e jep vetëm drejtësia.
