Një pjesë e fasadës së ndërtesës së shkollës 9-vjeçare “Papa Kristo Negovani” në qytetin e Ersekës është shkëputur.
Duket se era e fortë që ka përfshirë Juglindjen ka ndikuar në shkëputjen e një pjese të materialeve termoizoluese.
Shkëputja e fasadës ka ndodhur jashtë procesit mësimor dhe fatmirësisht janë regjistruar vetëm dëme materiale dhe nuk ka nxënës apo mësues të lënduar.
A2 CNN citon zyrën arsimore Kolonjë dhe bën me dije se punimet në këtë shkollë janë kryer në vitin 2018. Firma është treguar e gatshme për riparimin e dëmeve.
