Vijon aksioni e policisë shqiptare për parandalimin dhe kapjen e lëndëve narkotike.
Policia e Memaliajt ka asgjësuar 5 parcela me 2240 bimë narkotike Cannabis Sattiva, ndërsa ka arrestuar dhe personin që dyshohet se është kultivuesi i saj.
Në pranga ka rënë Lavdërim Mahmuti , 58 vjeç, banues në Fier, pasi gjatë kontrollit të ushtruar nga Shërbimet e Policisë në vendin e quajtur ” Vila” ,fshati Rabije , Memaliaj u gjetën të mbjella 5 parcela me 2240 bimë narkotike Cannabis Sattiva.
Gjithashtu në këto parcela u gjet dhe u sekuestrua një armë zjarri model 63 si dhe 15 copë fishek.
Gjatë kontrollit në në banesën e 58-vjeçarit në fshatin Rabije u gjet gjithashtu dhe një armë gjahu tip Shotgan si dhe një kabëll elektrik që shkonte nga banesa e tij në parcela.
Ndërsa policia e Korçës ka zbuluar dhe më pas asgjësuar me anë të djegies, 130 bimë të dyshuara si Cannabis Sattiva.
Uniformat blu kanë vënë në pragna dhe dy kushërinjtë, Thoma Bregu, 54 vjeç dhe Birah Bregu, 61 vjeç të dy banues në fshatin Dishnicë.
Arrestimi i tyre u bë pasi gjatë kontrollit të ushtruar në banesën e shtetasit Thoma Bregu iu gjetën dhe asgjësuan në vend me anë të djegies, 123 bimë narkotike të dyshuara si Cannabis Sattiva.
Në vijim të kontrolleve të kryera në lidhje me këtë rast, edhe Birah Bregu, iu gjetën të kultivuara disa bimë të dyshuara narkotike, të mbjella në vazo lulesh në banesën e tij.
