Samsung ka planifikuar të prezantojë gjeneratën e re të smartfoneve Galaxy S10 në 20 shkurt. Fatkeqësisht, internet është më i shpejtë.
Detaje të modeleve të rinj janë zbuluar që në verë të vitit që shkoi, por këto foto të fundit tregojnë se si do të duken ato. Janë gjithsej tre modele të mbrojtura me kasë transparente plastike. Zbulimin e ka bërë Evan Blass në Twitter, i cili është i famshëm për shpërndarjene të tilla gjërave përpara prezantimeve formale.
Samsung Galaxy S10E, S10, and S10+ (L to R), encased pic.twitter.com/Pk2gpXkXxn
— Evan Blass (@evleaks) January 19, 2019
Tre smartfonet vijnë në përmasa të ndryshme. S10E i cili ndodhet në të majtë është edhe varianti më i lirë. Modeli S10+ i cili ndodhet në të djathtë vjen me tre kamera në pjesën mbrapa dhe me dy përpara.
Sensori i shenjave të gishtërinjve do të jetë i vendosur në ekranin kryesor. Në variantin Galaxy S9 sensori i gishtërinjve ishte i vendosur në pjesën e prapme të celularit. Megjithatë nga fotoja që po qarkullon vetëm kaq kuptohet. Për më shumë presim zbulimin e madh në 20 shkurt, në eventin Samsung Unpacked./E.L
