Pavarësisht bojatisjes me shiringë nga Zv.Kryetari i Kuvendit Edi Paloka, gjatë seancës së sotme Kryeministri Rama nuk i ka lejuar vetes të humbasë votimin për protokollin e NATOS për Maqedoninë.
Megjithatë, Rama i ka dhënë vetes kohën dhe mundësinë, jo vetëm të pastrojë njollat e bojës, por edhe të ndërrojë xhaketën duke qëndruar në seancë me një xhaketë tjetër, tashmë të pastër.
Nuk dimë sa kohë i është dashur Kryeministrit për këtë ndërrim dhe kush ja ka sjellë xhaketën tjetër, por sikurse shihet edhe nga fotot e publikuara në Opinion.al ai ka vijuar seancën, pa bojë.
Ndërkohë, pas incidentit, as deputeti Paloka nuk ka dalë nga salla, por ka qëndruar aty për të votuar protokollin.
Lidhur me ngjarjen, Kryeministri ka reaguar disa herë gjatë ditës së sotme në rrjetet sociale, ndërkohë që Partia Demokratike bëri me dije se gjuajtja me bojë është mospranim i bullizmit të ushtruar nga Kryeministri.
Ndërkohë, Garda e Republikës, në bashkëpunim me policinë ka nisur një procedim për agresion, pasi sipas tyre boja ka qenë e parapërgatitur/ M.B
