Një aeroplan ka bërë ulje emergjente në Maltë, pasi është rrëmbyer nga dy persona, ka deklaruar kryeministri i vendit, Joseph Muscat.
Mediat lokale raportojnë aeroplani i kompanisë ajrore “Afriqiyah Airways” të Libisë besohet se kishte 118 njerëz në bord.
Mendohet se bëhet fjalë për një situatë potenciale të rrëmbimit të fluturimit nga dy terroristë palestinezë.
Raportohet se njëri prej tyre, ende i paidentifikuar ka një granatë në dorë.
Ai ka kërkuar plotësimin e disa kërkesave ende të paqarta për të lënë pasagjerët përveç ekuipazhit. Personi i dyshuar ka thënë se është mbështetës i Gaddafit.
BBC raporton se dy persona që kanë kryer rrëmbimin kërcënojnë se do e shpërthejnë avionin.
Fotografi i agjencisë së lajmeve Reuters, me bazë në Maltë tregon se ka parë numër ushtarësh dhe forca speciale në vendin e ngjarjes.
Ndërkohë autoritetet e aeroportit të Maltës kanë njoftuar se çdo fluturim është shtyrë për një kohë të pacaktuar.
Aeroplani i Afriqiyah Airways ishte nisur nga Sabha në orën 10.10, me orën lokale dhe do të mbërrinte në 11.20 në Tripoli./ opinion.al
