Presidenti i Republikës, Sh. T. Z. Ilir Meta mikpriti në Pallatin e Brigadave pritjen shtetërore me rastin e Festës sonë Kombëtare: Ditës së Pavarësisë dhe të Flamurit, në të cilën ishin të pranishëm Kryetari i Kuvendit, Gramoz Ruçi, Kryeministri Edi Rama, deputetë të Kuvendit, anëtarë të Qeverisë, ish-Presidentë, ish-kryeministra, drejtues dhe përfaqësues të bashkësive fetare, Ambasadorë dhe përfaqësues të Trupit Diplomatik të akredituar në Tiranë, akademikë, artistë, intelektualë, familjarë dhe trashëgimtarë të nënshkruesve të Aktit të Pavarësisë, përfaqësues nga Kosova dhe bashkatdhetarë të shumtë nga mbarë trojet shqiptare si dhe miq të shquar të vendit tonë.
Presidenti Ilir Meta shoqerohej nga vajza e tij e vogël Era, e cila ka mbajtur vendin e zonjës së parë, që pasi bashkëshortja e presidentit, Monika Kryemadhi deklaroi se nuk do e mbante këtë pozicion.
Era e cila në të gjitha eventet e zhvilluara ka shoqeruar babain, duket se ja ka marrë dorën më së miri këtij posti. Ajo dukej si një zonjushë e vërtetë e veshur me një fustan të zi, dhe me një fjongo të kuqe në kokë, si simbol i flamurit tonë kombëtar.
Edhe Linda Rama, bashkëshortja e kryeministrit, zgjodhi të bënte të njëjtin kombinim, vetëm se në vend të kordeles, ajo ka preferuar një shall të kuq. Meta, Rama dhe Ruçi, kanë realizuar më pas një fotografi së bashku me Erën dhe Linda Ramën.
