Ashtu siç edhe pritej festimeve për Ditën e Verës në Elbasan i janë bashkuar kryeministri Rama dhe kryeopozitari Basha. Në fillim vizitoi Elbasanin kreu i PD dhe me ikjen e tij, mbërriti ai i PS-së. Të dy kishin kryefjalë punën edhe pse ishte një ditë pushime për qytetarët.
Basha shoqërohej nga bashkëshortja dhe bashkëpunëtorët ndërsa Rama nga Qazim Sejdiu që drejton bashkinë dhe deputetet e PS për zonën.
Në fjalën e tij Basha tha: “Unë nuk do të merrem me broçkullat e Edi Ramës. Ne kemi punë të mëdha përpara për të përfunduar mes tyre edhe rrugën Elbasan-Tiranë. .Nga zemra i uroj çdo shqiptari gëzuar këtë festë. Sjelltë shpresë dhe gëzim!”
Në fjalën e tij Rama tha: Ne po vazhdojmë punën për transformimin e madh të qyteteve. Të vetmit pengesë janë ata të papunë, gjyqtarë e prokurorë të korruptuar. Por do ta fitojmë edhe betejën ndaj tyre.
