Policia është përplasur te zona e Bregut të Lumit jo vetëm me banorët, por edhe me ish-deputetët Klevis Balliu dhe Endrit Braimllari.
Konflikti ka nisur kur një prej qytetarëve, të cilit po i prishej shtëpia, ka kërkuar të hyjë për të marrë veshjet apo pajisje të tjera, sepse që në mëngjes ishte shoqëruar në komisariat.
‘’Më lini që të marr rrobat, se kam qenë gjithë mëngjesin në komisariat, më lini që të marr rrobat”, është dëgjuar të thotë ai. Policia nuk e ka lejuar, duke bërë që ish-deputetët të tentojnë të çajnë rrethimin.
Ish-deputeti i PD-së, Klevis Balliu tha se banditët me uniformë po dhunojnë barbarisht qytetarët. Ai dhe Braimllari janë shtyrë dhe janë konfliktuar për disa minuta me policët./Opinion.al
