Çifti i fotografëve nga Australia, Dale Sharper dhe Karlie Russell kanë çuar propozimin për martesë në një nivel tjetër. Kjo pasi propozimi i tyre mahnitës është bërë nën Dritat e Veriut në rrethin polar.
Çifti, i cili drejton DK Photography, mori hapin e ardhshëm për marrëdhënien e tyre dhe sigurisht që përgjigjja ka qenë pozitive.
“E gënjeva Karlien duke i thënë se do bënin një selfie.”- ka thënë Dale për Daily Mail Australia.
“Më mori disa vite për të planifikuar këtë moment. E kisha në mendje prej shumë kohësh, pasi ne të dy jemi fotografë dhe ndajmë pasionin tonë për të shkrepur momente të tilla natyrore si aurora.”- shprehet ai.
Sipas tij, kjo ishte hera e dytë që planifikonte këtë propozim, pasi herën e parë kishte menduar për ti bërë propozim për martesë në Islandë, por papritur e dashura e tij prishi surprizën duke hedhur padashje unazën sekrete.
Për fat të mirë, këtë herë plani ka funksionuar shumë mirë./opinion.al
