Këto foto janë shkrepur paraditen e sotme në një rrugë në zonën e Freskut në kryeqytet. Dy policë të bashkisë kanë ndaluar një të moshuar që shiste në mënyrë ambulante pak kilogramë domate të kopshtit të tij. I moshuari, sipas bashkisë duhet të tregotojë prodhimet në treg. Por a puguhet qira në treg apo taksa në bashki për 5 kg domate? Kjo është çështja e parë që shtrohet kur sheh këto imazhe të përsëritura në rrugët e Tiranës.
Gjithashtu, më e rëndësishmja: Pse Policia Bashkia e Tiranës pse nuk vepron me të njëjtën forcë ligjore ndaj abuzuesve më të mëdhenj, siç janë zaptuesit e hapësirave publike?
Shumë dyqane dhe lokale në shumë lagje të Tiranës kanë nxjerrë tavolinat jashtë duke zënë trotuaret. Policia Bashkiake ka shumë punë për të bërë derisa të mbërrijë tek gjyshi me kovën e domateve që ka zënë për pak orë trotuarin për të çuar bukën e gojës në familjen e tij. /Opinion.al
