Ushtria ndërhyri për të hapur rrugën që në çon në fshatin turistik malor të Thethit. Banorët ishin ankuar prej kohësh se rruga nga Qafa e Bogës deri në Theth është e bllokuar dhe i gjithë fshati është i izoluar. Vetëm sot Forcat e Armatosura ndërhynë dhe hapën aksin prej 22 km nga Boga në Theth.
“Trashësia e borës në disa pjesë të rrugës arrin deri në 5 m. Aksi Bogë-Theth ishte i bllokuar që prej muajit dhjetor. Hapja e rrugës e pamundur më herët për shkak të rrezikut të krijimit të ortekëve”, tha Ministria e Mbrojtjes.
Thethi është fshati më i vizituar alpin në Shqipëri, dhe kryesisht nga të huajt.
