Partia Demokratike po zhvillon punimet e Kuvendit Kombëtar këtë të shtunë.
Në Pallatin e Kongreseve përveç delegatëve ka pasur një numër të madh qytetarësh të pranishëm. Ndërkohë që, sikurse shfaqet në fotot e LSA në nisje të Kuvendit, kryedemokrati Lulzim Basha është takuar me ish-kryeministrin Sali Berisha.
Në pamjet e mëposhtmë kreu i PD-së shfaqet i buzëqeshur teksa shtrëngon duart dhe përqafon ish-kryeministrin Berisha një nga figurat më të rëndësishme të PD-së.
Ditën e sotme 7500 delegatë të Kuvendit Kombëtar të Partisë Demokratike do të mblidhen për të votuar Këshillin e ri Kombëtar të selisë blu.
Mes 600 emrave të propozuar në kryesi nga Lulzim Basha, kuvendi do të përcaktojë me votë 300 anëtarët e rinj të kësaj strukture të PD që do të përzgjedhë më pas edhe Kryesinë re.
Gjithashtu, sot do të votohen edhe ndryshimet statutore të propozuar nga kreu i demokratëve Basha, të vetmet që morën pëlqimin e kryesisë. Kuvendi Kombëtar do të njihet gjithashtu edhe me analizën e humbjes së demokratëve në zgjedhjet parlamentare të 25 prillit, të cilat i cilësojnë si masakër elektorale./Opinion.al
