Aktualitet

FOTO/ Përplasje të forta te Astiri, gaz lotsjellës dhe 10 të shoqëruar


               Publikuar në : 08:10 - 12/11/19 |
Al Do

Përplasje të forta ka patur mëngjesin e sotëm në zonën e Astirit mes banorëve të zonës dhe policisë e cila ndodhet atje për të mbështetur aksionin e IKMT për prishjen e banesave.

Situata është e tensionuar dhe është përdorur edhe gazi lotsjellës kundër qytetarëve. IKMT kishte njoftuar se sot do të niste prishja e disa prej banesave në zonën e ‘Astirit’ në kuadër të ndërtimit të projektit të Unazës së Re por kjo ka sjellë reagimin e banorëve të cilët e kanë kundërshtuar fort këtë vendim.

Nga përplasja ka patur të lënduar si nga banorët të cilët shihen të shtrirë dhe duke vrapuar por edhe nga radhët e forcave të policisë. Rreth 10 banorë janë shoqëruar në komisariatin e policisë për kundërshtim të forcave të policisë.

Protesta e banorëve të Astririt vijon prej më shumë se një viti. Ata kundërshtojnë projektin e Unazës së Re dhe kërkojnë dëmshpërblim për prishjen e banesave. /Opinion.al

Pas