Një aksident automobilistik ku tre makina janë përplasur ka ndodhur pasditen e sotme në Vlorë. Bëhet e ditur se aksidenti ka ndodhur në fshatin Peshkepi të Vlorës ku 5 persona kanë mbetur të plagosur.
Një mjet i tipit Volkswagen me targa AA 827 VP, Benz me traga AA 502 VC dhe një Toyota me targa 909 SK, janë aksidentuar. 5 të plagosurit e aksidentuar fatmirësisht janë jashtë rrezikut për jetën.
Bëhet e ditur se në fillim kanë qenë dy automjetet tip Benz dhe ajo Volkswagen që janë përplasur mes tyre dhe më pas është goditur edhe makina tjetër tip Toyota.
Gjithashtu mësohet se 3 nga të plagosurit, të cilët janë anëtarë të një familje, janë dërguar në spital me një ambulancë. Policia ndodhet në vendngjarje për të zbardhur rrethanat e ngjarjes. Shkak për aksidentin ka qenë shpejtësia tej normave të lejuara./Opinion.al/
