Qyteti i Venecias në Itali po përjeton një valë përmbytjesh në të cilat niveli i ujit ka arritur 1.87 metra. Niveli i arritur është më i larti i regjistruar 50 vitet e fundit.
Sipas mediave italiane deri më tani janë raportuar 2 të vdekur nga përmbytjet. Një valë e tillë nuk ishte parë që në vitin 1923, kur niveli i ujit arriti vlerën e tij më të lartë ndonjëherë 1.94 metra.
Kryebashkiaku i Venecias Luigi Brugnaro është shprehur se do të shpallë gjendjen e emergjencës. Sipas tij dëmet e sjella nga uji janë të parikuperushme.
Kjo gjendje e vështirë për qytetin italian, e cila ka nisur të martën kur shirat pushtuan të gjithë Italinë, do të vijojë të paktën deri të premten.
Në imazhet e publikuara nga mediat italiane por edhe ato botërore, shumë nga vendet e njohura dhe të vizituara nga turistët janë përmbytur tërësisht, ndërkohë uji arrin deri tek gjuri.
Sipas autoriteteve pritet mbyllja për dy ditë e çerdheve dhe kopshteve. Zonat më të prekura mësohet të jenë sheshi i San Marcos dhe Bazilika e San Marcos. Gjithashtu mësohet se janë prekur dhe një numër i madh biznesesh që kanë pësuar dëme të shumta nga uji. /Opinion.al/
