Rrjetet sociale janë kthyer në një mjet komunikimi nëpërmjet të cilit futbollistët e njohur kanë një kontakt më të drejtpërdrejtë me ndjekësit e tyre. Fatkeqësisht, edhe kjo mënyrë komunikimi është bërë burim keqpërdorimi nga persona të papërgjegjshëm, të cilët shpesh shtiren si futbollistë të njohur duke krijuar faqe të cilat…
Rrjetet sociale janë kthyer në një mjet komunikimi nëpërmjet të cilit futbollistët e njohur kanë një kontakt më të drejtpërdrejtë me ndjekësit e tyre. Fatkeqësisht, edhe kjo mënyrë komunikimi është bërë burim keqpërdorimi nga persona të papërgjegjshëm, të cilët shpesh shtiren si futbollistë të njohur duke krijuar faqe të cilat nuk u përkasin lojtarëve në fjalë e duke mashtruar me apo pa dashje publikun e gjerë.
Kjo ka ndodhur edhe sot, pas publikimit të një lajmi nga “Panorama Sport” rreth vendimit të futbollistit të Kombëtares shqiptare të futbollit, Ergys Kaçe, për të mos iu përgjigjur ftesave të ardhshme nga trajneri De Biazi si pasojë e injorimit që i ka bërë ky i fundit duke e lënë vazhdimisht në stol apo tribunë.
Një faqe në “Facebook” që mban emrin e mesfushorit ka publikuar një përgënjeshtrim të këtij lajmi duke e cilësuar fals e të pavërtetë. Në fakt, e vetmja gjë false në këtë çështje është profili në fjalë, siç e ka konfirmuar drejtpërdrejt vetë mesfushori për “Panorama Sport”.
I kontaktuar menjëherë nga gazeta pas këtij postimi, lojtari ka dashur të komentojë vetë në mënyrë të dukshme për të gjithë tifozët, nëpërmjet “WhatsApp”-it, se ky jo vetëm nuk ishte profili i tij zyrtar në rrjetin social “Facebook”, por edhe se ai nuk menaxhonte asnjë të tillë. Ndaj me mijëra “Like” dhe dhjetëra “Share” të postimit të sotëm nga tifozët, në fakt i shkojnë një profili “fantazmë”, që nuk ka lidhje me Ergys Kaçen e aq më tepër nuk prezanton para publikut mendimet e mesfushorit të përfaqësueses shqiptare të futbollit.
Komunikimi mes gazetes dhe Ergys Kace dhe konfirmimi nepermjet fjaleve te tij se nuk ka profil ne Facebook
Kaq mjafton për të kuptuar qartësisht se “Panorama Sport” raporton me korrektësi për çdo lloj ngjarjeje që ka lidhje me sportin shqiptar dhe sigurisht që nuk mund të spekulojë apo krijojë aludime të paqena kurrsesi për një temë aq delikate dhe të cilën tifozët e kanë përzemër si Kombëtarja e futbollit.
