Një pikë servisi makinash është përfshirë nga flakët, mëngjesin e sotëm në Elbasan.
Ngjarja ka ndodhur në aksin Elbasan – Ish-kombinati Metalurgjik, ku janë ngritur re të mëdha tymi.
Servisi i përfshirë nga flakët tregton pjesë këmbimi automjetesh dhe është në pronësi të një shtetasi me iniciale K.B.
Policia njofton se si pasojë e flakëve të zjarrit po digjet një magazinë me pjesë kembimi si dhe dy mjete të cilat kanë qenë të parkuara brenda ambjenteve të këtij servisi.
Forcat zjarrfikëse kanë mbërritur në zonë duke u përpjekur të shuajnë flakët.
Ende nuk dihet shkaku i flakëve, nëse ato kanë ardhur aksidentalisht apo nëse kemi të bëjmë me zjarrvënie të qëllimshme. /Opinion.al
