Pylli i Amazonës u përfshi nga mbi 1600 vatra zjarri duke bërë që qielli në Brazil të mbulohej nga re të zeza tymi. Kjo ngjarje solli reagim si brenda dhe jashtë vendit. Protesta anti-qeveritare shpërthyen në Brazil ndërsa Franca dhe Irlanda thanë që nuk do të ratifikonin një marrëveshje të madhe tregtare me vendet e Amerikës së Jugut, nëse Brazili nuk përpiqet më shumë për të shuar flakët në Amazonë.
Presidenti i Brazilit, Jair Bolsonaro vendosi të dërgojë trupa ushtarake të mbështetura nga ajri ditën e shtunë për të shuar zjarret. Ai kritikoi reagimin e kombeve të tjera, duke këmbëngulur që zjarret “nuk mund të përdoren si pretekst” për sanksione ndëshkuese.
Pamjet e “Mushkërisë së Botës” pas zjarreve janë si të një pejsazhi apokaliptik. Sipërfaqe të mëdha të shkrumbuara ku më parë strehoheshin mijëra gjallesa. /Opinion.al
