Tapeti i Kuq para sallës plenare të Kuvendit Shqiptar është tashmë pasarela e përjavshme ku gratë deputete, ekspozojnë veshjet firmato dhe aksesorët e luksit.
Duket se gratë e parlamentit e kanë të pamundur që në vend të një profili modest, të mos garojnë me njëra tjetrën se kush e kush, ato të mazhorancës apo opozitës, zotëron veshjet më të shtrenjta dhe luksin më të madh.
Ndërsa disa ditë më parë, nga Kukësi në një takim me gratë demokrate, iu fliste grave për varfërinë që ka damkosur vendin, deputetja e opozitës Albana Vokshi, në tapetin e kuq të Kuvendit është shfaqur me një çantë firmato “Louis Vitton”.
Pyetja që sigurisht i intereson publikut, është se si ka mundësi që një deputete, partia e së cilës proteston vazhdimisht kundër varfërisë, e cila publikisht e ka cilësuar varfërinë si të keqen e madhe të vendit, demonstron të enjteve se varfëria për të, është një fenomen që nuk e ka prekur edhe aq personalisht?
Si ka mundësi që deputetet e një partie opozitare, misioni i së cilës, për nga roli që ka, është të shfaqë modesti dhe përulësi në emër të kauzave që përfaqëson, janë shumë më tepër të ekspozuara se koleget e mazhorancës, në garën e “Tapetit të Kuq” të Kuvendit?
A është kjo etike nga ana e Vokshit në sytë e grave shqiptare, para të cilave ka deklaruar se “varfëria e ka dobësuar statusin e tyre” ?
Opinion.al/ al.h
