Kolorado Rapids e Shkëlzen Gashit është ndalur në një barazim pa gola në ndeshjen kundër Orlando Sitit, në një takim ku u krijuan shumë raste për t’u shënuar, me Gashin që gjeti rrugën e rrjetës, por kur ishte në pozicion jashtë loje.
Me vetëm një pikë të siguruar, që e zbret Koloradon në vendin e dytë në renditjen e Konferencës së Perëndimit në MLS, ndeshja në fjalë nuk mund të cilësohet e suksesshme. Por vetë Gashi nuk ka dalë duarbosh nga ky duel.
Futbollisti i përfaqësueses shqiptare ka postuar në rrjetet sociale një foto të dollapit të tij në dhomat e zhveshjeve pas ndeshjes, ku nuk varej fanella e tij, por ajo e ylli të skuadrës kundërshtare, brazilianit Rikardo Kaka, duke zbuluar se kishte ndërruar fanellat me të pas takimit.
“Ishte një nder i madh të luaja kundër Kaka”, ishin fjalët e lojtarit shqiptar përkrah kësaj fotoje.
[fbvideo link=”https://www.facebook.com/coloradorapids/videos/10154543548086091/” width=”500″ height=”400″ onlyvideo=”1″]
