Një adoleshente e cila dëshiron të realizojë ëndrrën për tu dukur si kukulla Barbie, shpenzon çdo muaj 1000 dollarë nga paratë e prindërve të saj. Gabriela Jirackova, është një 18 vjeçare nga Çekia, e cila është e fiksuar me kukullën Barbie.
Ajo ka realizuar së fundmi edhe operacionin e parë plastik në gjoksin e saj. Fillimisht ajo filloi ta praktikonte pasionin e saj duke përdorur flokë artificialë, lip filler, dhe qerpikë fals.
Por në të ardhmen ajo aspiron të kryej edhe disa ndërhyrje të tjera në mënyrë që ta realizojë me përpikmëri ëndrrën e saj.
“Jam frymëzuar nga persona të cilët duken si Barbie në jetën reale, dhe nga kukullat e mia. Kam 300 Barbie që prej fëmijërisë. Kur u njoha me njerëzit që inspironin të bëheshin si Barbie reale, mendova se kjo ishte pikërisht diçka për mua.” – është shprehur 18-vjeçarja.
Ndër të tjera ajo ka thënë se nuk beson te pamja natyrale pasi sot asgjë nuk është më e tillë.
“Shpenzoj 3 orë e gjysmë në ditë për tu bërë gati. Kjo mënyrë jetese nuk është aspak e thjeshtë. Të ruaj imazhin tim është e vështirë në të gjitha aspektet.” – thotë adoleshentja.
Ndryshe nga flokët bjondë të Barbie-t, ajo preferon t’i mbajë në ngjyrën rozë. Prindërit e adoleshentes janë të shqetësuar vetëm për shëndetin e saj, për shkak të operacioneve plastike që vajza po kërkon të realizojë.
Nga ana tjetër ata e mbështesin dhe duan që ajo të jetë e lumtur. Në fotot e bëra publike, Jirackova ka trupin perfekt, një fytyrë shumë të ngjashme me Barbien dhe mbi të gjitha belin e hollë njësoj si kukulla./Opinion.al
