Fotoreporteri i Reuters Mohammed Salem ka fituar çmimin prestigjioz “World Press Photo of the Year” për foton e tij që tregon një grua duke përqafuar trupin e pajetë një fëmije të mbështjellë me një copë të bardhë – një moment i qetë pikëllimi intensiv.
Gruaja është Inas Abu Maamar, 36 vjeç, dhe trupi që mbante në foto ishte i mbesës së saj 5-vjeçare, Saly.
Fotoja është bërë në Khan Younis në Rripin jugor të Gazës më 17 tetor në morgun e spitalit Nasser, ku banorët po shkonin të kërkonin të afërmit e zhdukur.
“Ishte një moment i fuqishëm dhe i trishtuar, dhe ndjeva se fotografia përmbledh kuptimin më të gjerë të asaj që po ndodhte në Rripin e Gazës,” tha Salem.
Momenti ishte veçanërisht prekës për fotografin, gruaja e të cilit lindi vetëm disa ditë më parë.
View this post on Instagram
