Në Gjykatën e Krimeve të Rënda ka nisur seanca për verifikimin e masës së sigurisë ndaj Saimir Tahirit. Po kështu ai do të merret në pyetje. Gjyqtare e seancës eshte Liliana Baku.
Në sallë është i pranishëm vetë Tahiri. Ndërkohë përballë tij janë edhe dy prokurorët e çështjes, Vladimir Mara dhe Besim Hajdarmataj. Ky i fundit, u shkarkua vetëm pak ditë më parë nga drejtimi i Prokurorise se Krimeve të Rënda.
U lejua të filmohej në 5 minutat e para, më pas seanca ka vijuar pa pranine e kamerave, duke lejuar vetem pranine e gazetareve në sallë.
Avokati i Tahirit, Maks Haxhia, ndërsa u fut në Gjykatën e Krimeve të Rënda rreth orës 10:30 tha se do të kërkojë shfuqizimin e vendimit që ka marrë gjykata në ngarkim të klientit të tij.
Burime nga prokuroria bëjnë me dije se brenda korrikut dosja pritet të çohet në gjykatë.
Tahiri akuzohet për trafik të narkotikëve në formën e grupit të strukturuar kriminal dhe korrupsion pasiv të funksionarëve të lartë shtetëror në kuadër të hetimeve për dosjen “Habilaj”.
