Ka nisur në ambientet e Kuvendit të Shqipërisë mbledhja e përbashkët me Kuvendin e Kosovës, me rasit e 110 vjetorit të pavarësisë së vendit.
Seanca ka nisur me mbajtjen e dy himneve, fillimisht ai i Kosovës dhe më pas i Shqipërisë, teksa deputetët janë ngritur më këmbë për të respektuar dy himnet. Kryeministri i Kosovës Albin Kurti është ulur përbri Ramës, në vendin e zakonshëm të kryeministrit, ashtu si edhe Konjufca pranë Nikollës.
Do të jetë kryetarja e Kuvendit të Shqipërisë, Lindita Nikolla e cila do të t’u drejtohet me një fjalim deputetëve dhe më pas kryetari i Kuvendit të Republikës së Kosovës, Glauk Konjufca.
Më pas, mbledhja do të vijojë me fjalimin e kryeministrit, Edi Rama dhe fjalimin e kryeministrit të Kosovës, Albin Kurti.
Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.
