Një shpërthim i fortë tritoli u dëgjua në orët e parë të mëngjesit në qytetin e Elbasanit. Nga informacionet e parë të policisë, i është vënë tritol bar “Dolce” në rrugën Rinia të këtij qyteti. Shpërthimi ka shkaktuar dëme të mëdha materiale, por fatmirësisht nuk ka pasur të lënduar. Ngjarja ndodhi rreth orës 04:00 të mëngjesit të së martës në një nga rrugët më të frekuentura të qytetit.
Nga informacionet e para mësohet se eksplozivi është hedhur brenda në lokal duke thyer xhamin dhe më pas ka shpërthyer. Policia është duke hetuar rreth ngjarjes dhe autorëve të mundshëm të saj. Sipas burimeve të policisë, ngjarja ka të bëjë me larje hesapesh të grupeve të përfshira në trafik të lëndëve narkotike. Janë sekuestruar pamjet filmike të bizneseve pranë, të cilat mund të hedhin dritë mbi autorët e kësaj ngjarjeje. Nuk ka ende asnjë të dhënë nga policia për autorët e dyshuar të ngjarjes.
/Opinion.al
