Aktorja e njohur turke, Beren Saat, ka mbetur e surprizuar nga festa që bashkëshorti i saj dhe të gjithë miqtë i kanë bërë për ditëlindje. Të dielën, aktorja ka festuar 33-vjetorin e lindjes dhe, mes mijëra urimeve që ka marrë në telefon për ditën e saj më të bukur, të gjithë miqtë dhe të afërmit i kishin përgatitur edhe një festë surprizë.
Torta tradicionale, dhuratat dhe të ftuarit e kanë emocionuar shumë Bihterin, ndaj edhe është rikthyer në Instagram, pas 4 muajsh, për ta ndarë me të gjithë emocionin dhe lumturinë e kësaj dite.
Edhe pse është tërhqur nga mediat sociale kohët e fundit, Beren nuk ka mundur ta mbajë vetëm për vete lumturinë e festës. Në një kolazh fotosh të shkëputura nga festa, ajo ka shprehur lumturinë për ditën e saj më të bukur. Duke i falënderuar të gjithë për urimet e përzemërta, 33-vjeҫarja ka dhënë më shumë detaje për festën që ka zgjatur deri në agim.
Ideatori i festës së ditëlinjdes në një club në Stamboll ishte bashkëshorti i këngëtares, Kenan Dogulu, i cili kishte ftuar të gjithë miqtë muzikantë e artistë të tjerë, të cilët kanë menduar me kujdes ҫdo detaj për surprizën e mbrëmjes. Të panumërta kanë qenë edhe mesazhet në rrjetet sociale për aktoren bukuroshe turke./class
