Kur të gjithë po bëheshin gati të shikonin Kombëtaren, një atentat mafioz i ka marrë jetën avokatit të njohur Ravik Gurra, në qendër të qytetit të Elbasanit. Ky i fundit ka qenë i ulur në ambientet e jashtme të një lokali, kur është qëlluar me armë zjarri.
Gurra njihej në Elbasan si mik i fisit Çapja, ndërsa së fundmi ka qenë avokat dhe i Emiljano Shullazit. Po ashtu më herët 50-vjeçari ka qenë avokat dhe i ish-drejtorit të ARRSH-së, Dashamir Xhika.
Po ashtu, pjesë e punës së tij ka qenë dhe Altin Arapi, i akuzuar dhe dënuar me burgim të përjetshëm nga autoritetet shqiptare për vrasjen e shoferit të Prokurorit të Përgjithshëm Theodhori Sollaku.
“Shērbimet e Policisë kanë ngritur pika kontrolli në të gjitha rrugët në hyrje e dalje si dhe po krehin zonēn ku dyshohet se janë larguar autorët. Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes. Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes”, thotë policia në një informacion për mediat.
