Lidhja Social Demokrate e Maqedonisë ka shpallur dje listat për deputetë për zgjedhjet e parakohshme parlamentare ku vërehen edhe dy kandidatë shqiptarë, njofton Telegrafi Maqedoni.
Gjylymsere Kasapi do të jetë e dyta në listën zgjedhore numër gjashtë, që i bie se do të jetë pas zëdhënësit të partisë, Petre Shilegov.
Zaev ka thënë se listat janë bërë në përputhshmëri me kërkesat e shqiptarëve.
Gjylymsere Kasapi nuk është e vetmja shqiptare në listën e LSDM-së opozitare. Ish-gazetari Muhamed Zekiri gjithashtu është në listat e LSDM-së, në vendin e tretë në listën zgjedhore numër 2.
Kujtojmë se Gjylymsere Kasapi ka pasur një përvojë të hidhur kur në vitin 2011 ka qenë gjithashtu e dyta në listën e Demokracisë së Re të Imer Selmanit në zonën zgjedhore numër gjashtë./Telegrafi/
