Ajo synon të jetë një fituese e medaljes së artë në profesionin e saj dhe këtë fakt nuk ngurron ta pranojë. Quhet Juliana, është 23-vjece dhe jeton në një nga vendet ku protitucioni është i lejuar e pikërisht në Brazil, ku do të mbahen edhe lojërat olimpike.
Në një intervistë për “Daily Mail” ajo është shprehur se synon ta fitojë “medaljen e artë në seks”, gjatë lojërave olimpike në Rio de Janeiro .
“Njerëzit do të vijnë në qytetin tim që të fitojnë medalje të arta në Lojërat Olimpike, por për mua kjo do të jetë mundësia më e mirë që të fitoj medalje të artë në seks”, deklaron Juliana 23-vjeçe, e cila pranon megjithatë se ka konkurrencë të madhe në këtë kategori.
Juliana, e cila kryen profesionin e prostitutës me emrin ‘Bruna’, është vetëm një nga 12.000 punonjëset e seksit të cilat synojnë të targetojnë afro 400.000 vizitorë që pritet të jenë të pranishëm në qytetin e famshëm brazilian gjatë Lojërave Olimpike Rio 2016, transmeton Gazeta Blic.
Juliana thotë se ajo takon klientët e saj përmes Facebook-ut, Tinder, reklamave të ndryshme si dhe përmes telefonit, dhe nuk merakoset fare për kërcënimet që i bëhen nga klientët.
