Foto/ Ndryshime drastike në edicionin e 18 të “Këngës Magjike”

Ka filluar këtë të diel edicioni i 18 i “Këngës Magjike” me ndryshime të mëdha krahasuar më 17 vitet e tjera. Pakënaqësitë e viteve të kaluara duket se e kanë detyruar producentin Ardit Gjebrea së bashku me stafin të rimodelojnë mënyrën e kualifikimit të këngëtarëve. Për këtë arsye këtë edicion pjesëmarrësit do të prezantohen në dy kategori.
Në të parën bëjnë pjesë këngëtarët profesionistë që kanë marr pjesë edhe herë të tjera në kompeticione të tilla, të cilët do të kualifikohen direkt. Ndërsa në kategorinë e dytë do të jenë pjesëmarrësit e rinj të cilët do të gjykohen nga juria profesioniste. Juliana Pasha, Olti Curri, Venera Lumani, Sardi Shehu dhe Ulis Krajka janë anëtarët e jurisë që do të vendosin për fatin e artistëve të rinj çdo të diel.