Muzeu Erotik i Parisit kreu një ankand të fundit, duke shitur gjithçka kishte brenda për rreth gjysmë milion euro ose tre herë më shumë nga sa ishte parashikuar.
Rreth 2 mijë vepra të muzeut dolën në shitje, përfshi këto objekte arti që nga Tajlanda e India e deri në Amerikën Latine.
Në ankand kishte edhe shumë piktura dhe foto të shekullit të 19-të nga “Belle Epoque” në Paris, kur qyteti shihej si kryeqyteti botëror i kënaqësisë.
Pronarët thanë se i vetmi muze erotik në Francë po mbyllej për shkak të qirasë së lartë të godinës ku ishte vendosur.
