Instagram më në fund u dha mundësinë edhe përdoruesve të thjeshtë të platformës për të xhiruar video live. Opsionin më të ri e testoi edhe Lori Hoxha dhe siç mund të pritej, sytë e të gjithëve ishin në profilin e saj. Fashionista e njohur u dha ndjekësve të saj një shikim nga jeta e saj e përditshme, duke xhiruar për disa minuta atë që ndodh në shtëpinë e saj.
Si rrallëherë, ajo shfaqi motrën e saj 18-vjeçare Redia dhe së bashku me Sara Hoxhën, u argëtuan duke lexuar komentet e ndjekësve përgjatë videos live.
Për ato pak minuta, më shumë se 3 mijë persona vërshuan në profilin e trashëgimtares së “Top Channel” për të mësuar diçka më shumë rreth jetës së saj private dhe me shpresë, për të parë për herë të parë portretin e vogëlushit London Noor, djalit të Sara Hoxhës dhe Ledion Liços, i cili gjithashtu u shfaq për një fragment të videos.
Por, një gjë e tillë nuk ndodhi dhe madje ato u shprehën se as nuk ka për të ndodhur. Pra, ju kuriozët, mund ta flini mendjen!/anabel
