Teksa brenda godinës së Parlamentit, deputetët e mazhorancës ishin mbledhur për të zhvilluar seancën plenare, një grup mbështetësish të opozitës ishin grumbulluar për të protestuar.
Por duket se ministri Blendi Klosi ka qenë më vonë se kolegët e tjerë dhe është gjendur para dhjetëra protesuesish që kanë rrethuar hyrjen e Kuvendit.
Në momentin që ai ka tentuar të hyjë brenda godinës, disa protestues e kanë sulmuar, por është mbrojtur në kohë nga uniformat e policisë, të cilët e kanë shoqëruar në Kuvend.
Me protestuesit është përplasur dhe deputeti i Partisë Socialiste, Paulin Stërkaj. Në mes tymuesve, Stërkaj ka kaluar për të hyrë në Parlament. Protestuesit e kanë shtyrë deputetin, për të penguar futjen e tij në Kuvend. Me ndërhyrjen e forcave të policisë, deputeti arriti t’i largohej turmës./ Opinion.al
