Edhe ata që nuk kanë arritur ta njohin kryeministrin Rama në fillimet e tij në politike dhe kryesisht në mandatin e tij të parë si Kryetar i Bashkisë së Tiranës, kujtojnë në formë humori çorapet e famshme të kuqe. Por jo vetëm ato. Të shumta kanë qenë detajet që binin në sy në stilin e Ramës.
Mirëpo edhe në ditët e sotme, ai vazhdon të tërheq vëmendjen me stilin e tij unik. Njerëz pranë tij kanë treguar se Ramës nuk i pëlqen ta komplimentojnë për veshjen, e aq më tepër ta kritikojnë. Në çdo dalje të tij publike ai tregon se ka një sens shumë të zhvilluar të estetikës, shkruan opinion.al.
Thuhet se ndër pikat e tij të forta është humori, por ajo që rrallë zhgënjen është veshja e tij. E kemi parë pothuajse në të gjitha stilet, nga kostumi klasik e deri të veshjet sportive. Rama ka guxuar madje të ndërthurë në disa prej daljeve të tij kostumin me atletet.
Kohët e fundit ai është duke bërë një seri takimesh me fermerët e fshatrave të Shqipërisë, ku në fokus është bashkëbisedimi me ta dhe ballafaqimi me problemet e tyre.
Në takimin e tij të fundit, atë me fermerët e Kuçovës, Rama ka zgjedhur të vishet me trendet e fundit të modës, një xhaketë me motive ushtarake e kombinuar me atletet ngjyrë gri. Nëse këtë foto e sheh një shtetas jo shqiptar vështirë se do e kuptonte që bëhet fjalë për një kryeministër 52 vjeç.
Veshja është konsideruar gjithnjë si një mënyrë shprehjeje dhe këtë duket se e di më së miri Rama. Në disa takime të tjera me fermerë ai ka zgjedhur të shfaqet para tyre me xhupa që kanë stemën e flamurit të Italisë. Njihet simpatia e tij për kombëtaren Italiane të futbollit, por a nuk është ironike të mbajë të veshur flamurin e Italisë Kryeministri i një vendi ku një pjesë e mirë e popullsisë së tij kanë emigruar drejt Italisë?!
Sipas opinion.al, në një kohë kur veshja e shumicës së grave të Parlamentit të shumë për të dëshiruar, Rama duket se nuk ka konkurencë të fortë për titullin e të veshurit më bukur
Rama do të mbahet mend si Kryeministri më sportiv dhe që ka guxuar më tepër me pamjen e tij deri tani në vendin tonë, kjo është pak por e sigurt.
