Presidenti i Republikës, Ilir Meta, ishte i pranishëm sot në qytetin e Skraparit, vendin e tij të lindjes.
Nëpërmjet disa postimeve në Facebook, Presidenti ka treguar se këtë të fundjavë e ka kaluar në disa fshatra të Skraparit ku edhe ka marrë mikpritjen e banorëve aty.
I veshur sportiv, Presidenti, ka kaluar disa moment nostalgjie në Çepan, fshatin e lindjes së tij, ku mesa duket u është rikthyer disa kujtimeve dhe traditave familjare të të parëve të tij.
Në një tjetër postim Meta shkuan se sëbashku me kreun e Bashkisë së qytetin rivendosën sot pllakën përkujtimore me emrat e 17 heronjve të rënë në betejën e Tendës së Qyqit.
“Kisha nderin sot që bashkë me kryetarin e Bashkisë të Skraparit, zotin Nesim Spahiu të rivendosnim pllakën përkujtimore me emrat e 17 heronjve të rënë në betejën madhështore të Tendës së Qypit nga 20-26 Janari i 1944, në kulmin e Operacionit të Dimrit.
Kjo betejë e jashtëzakonshme deri në ndeshje trup me trup përfundoi me humbjen poshtëruese të pushtuesve falë gjakut të derdhur në betejë të partizanëve të Brigadës së parë Sulmuese dhe Grupit të Skraparit që u drejtua trimërisht nga Zylyftar Veleshnja. Kjo betejë pati një vlerë të madhe morale e psikologjike pasi tregoi se ai nuk ishte dimri i fundit i partizanëve por i pushtuesve.Të gjithë të përkujdesemi më shumë për monumentet e luftës dhe të dëshmorëve tanë,” shkruan Meta./Opinion.al
Më poshtë disa postime marrë nga Facebook i Presidentit dhe vizita e tij në Skrapar:
