Këtë mëngjes në bazën ushtarake Camp Adazi në Letoni u zhvillua ceremonia e nderimit për Nëntetaren e ndjerë Zarife Hasanaj, e cila humbi jetën ditën e djeshme.
Në këtë ceremoni mori pjesë i gjithë kontingjenti shqiptar në grup-batalionin e NATO-s dhe përfaqësuesi ushtarak shqiptar në NATO.
Një ditë pasi Hasanaj ndërroi jetë nga shpërthimi i një mine, Ministrja e Mbrojtjes ka nisur drejt Letonisë një Task Forcë, e cila është ngritur me urgjencë për këtë ngjarje dhe bashkë me autoritetet letoneze do të ndjekin hetimin e plotë për vdekjen e 32-vjeçares.
Nëntetarja Zarife Hasanaj ndërroi jetë gjatë çmontimit të minave, mëngjesin e të hënës.
Në këtë shpërthim mbetën të plagosur Komandanti i Kontigjentit, Majori Klodian Tanushi, i cili është në gjendje të rëndë dhe Rreshteri Julian Kapaj.
Ata ishin pjesë e misionit të NATO-s në Letoni për demontimin e minave luftarake./Opinion.al/
