Ministrat e qeverisë janë nisur këtë mëngjes në drejtim të Prishtinës, ku pritet të zhvillohet edhe mbledhja e 8-të mes dy qeverive Kosovë-Shqipëri.
Ashtu siç shihet edhe në foton e publikuar në rrjetet sociale, ministrat udhëtuan drejt Prishtinës me furgon.
Në foton e bërë publike nga Milva Ekonomi, shihen disa nga ministrat të cilët do të jenë të pranishëm edhe në mbledhjen e radhës.
“Rrugës për në Prishtinë… Mbledhja e 8-të e dy qeverive!”- shkruan Milva Ekonomi.
Ky takim vjen pas mbledhjes së dy qeverive në Elbasan. Takimi i dy qeverive do të drejtohet nga dy kryeministrat e vendit, Albin Kurti dhe Edi Rama, nga ku priten te nënshkruhen edhe disa marrëveshje./Opinion.al
