Pas disa orësh në arrati, është arrestuar nga policia 34-vjeçari Eredet Çapoku, i cili mbrëmjen e së enjtes ka masakruar me shkop bejzbolli dhe thikë kunatën e tij Enkeleda Çapoku.
Autori është arrestuar në zonën e Laprakës në kryeqytet. 34-vjeçari hyri me dhunë në banesën e kunatës dhe e masakroi në sy të vajzës. Konflikti mes tyre dyshohet të ketë nisur rreth 6 muaj më parë për arsye xhelozie.
Eredet Çapoku ka qëlluar disa herë me një shkop bejzbolli gruan e vëllait të tij, i cili ndodhet pas hekurave i dënuar me 10 vite burg për trafik lëndësh narkotike.
Në gjendje të rënduar nëna e 39-vjeçares ka treguar se Eredeti jo vetëm e ka goditur vajzën e saj por edhe i ka prerë damarët me thikë.
“Ti presësh damarët e duarve, e ta çash nga fytyra, si mund të mbijetojë njeriu”, ka thënë nëna e viktimës./ Opinion.al
LEXO EDHE- Krimi në familje në Paskuqan, nëna e viktimës tregon momentet e tmerrit
