Transformimi i shpejtë i Donald Trump nga biznesmen dhe personalitet televiziv në Presidenti të SHBAve po i hap punë shërbimit të sigurisë.
Hapësira ajrore mbi shtëpinë e tij në Kullën Trump, në Fifth Avenue në New York është ndaluar për fluturim. Ndërtesa me 58 kate nuk është e vetmja rezidenca kryesore e Trump, por edhe një nga pikat turistike.
Administrata Federale e Aviacionit ka vendosur përkohësisht të ndalojë fluturimin për një hapësirë rreth 2 milje rreth e qark Kullës Trump.
Kjo masë do të jetë në fuqi deri më 20 janar 2017, datë kur Trump do të zhvendoset në Shtëpinë e Bardhë. Ndërkohë afër kullës janë vendosur barrikada si dhe kamionë të mbushur me rërë që shërbejnë si bllokadë.
Njerëzit që jetojnë në ndërtesën luksoze tashmë do të jetë të mbikëqyrur nga Shërbimi Sekret, raporton “New York Daily News”.
Gjithashtu do të ndalohet që njerëzit të shkojnë me ashensor në katin personal të Trump. Ndërtesa prej xhami është një nga atraksionet e New Yorkut pasi është më e vizituara që prej vitit 1983.
