Katër personat e dyshuar si organizatorë dhe sigurues punëtorësh për kultivimin dhe shitjen e kanabisit janë arrestuar në Krujë. Pas një hetimi nga Prokuroria e Krujës dhe Policia e Shtetit, kanë bërë me dije sot burime zyrtare.
Në pranga janë vënë: Edmond Kadiu, 33 vjeç dhe Elton Bababi, 25 vjeç, banues në Fushë (i dënuar më parë për vjedhje), persona të dyshuar si organizatorë; Elton Baroka, 35 vjeç, personi që siguronte punëtorët. Idajet Gashi, 55 vjeç, shofer i furgonit që transportonte punëtorët në parcela:
Gjatë aksionit janë sekuestruar: Një automjet “BMW X6” me targa AA 771 MS në pronësi të Edmund Kadiut; Një automjet i “Benz” me targa AA 252 LT në pronësi të Elton Babajt; Një automjet tip Furgon me targa AA 204 NX, që shërbente për të transportuar punëtor në të mbjellat me kanabis; Sasia prej 35 000 000 lekësh, që u gjetën në banesën e shtetasit Edmond Kadiu dhe 5.7 aparate telefoni celularë të markave të ndryshme.
