Prej disa kohësh në rrjete sociale, prezantuesja Luana Vjollca është kritikuar për një detaj të pamjes së saj. Sipas tyre, ajo kujdeset që çdo javë të shfaqet tepër elegante dhe seksi në ekran por nuk ndërron këpucët. Pra, Luana Vjollca ka vetëm një palë taka, këto që shihen në foton e mësipërme.
Duket se durimi i saj ka mbaruar dhe ka vendosur të reagojë përmes një videoje në llogarinë e saj në Instagram.
“Tregoju njerëzve që nuk kam një palë këpucë, se faji yt është, se ti më vesh”- dëgjohet Luana duke i thënë stilistes.
Nga ana tjetër, stilistja e saj tregon se nuk bëhet fjalë për të njëjtat këpucë, por njerëzit nuk dallojnë dot diferencën në ngjyra.
Gjithsesi duhet thënë se takat në ngjyrën e mishit, si këto të prezantueses kanë një efekt në ekran, pasi të tregojnë më të gjatë. Kjo ndoshta është dhe arsyeja pse stilistja e saj zgjedh përherë këtë ngjyrë./opinion.al
