Disa foto dhe video të publikuara në profilin e Lori Hoxhës në SnapChat kanë bërë që të aludohet për një shtatëzani të mundshme të këngëtares Elvana Gjata.
Ndonëse nga ajo vet nuk ka pasur ende një prenoncim lidhur me këtë, trashëgimtarja e Top Media ka vendosur që të sqaroj një herë e përgjithmonë qëllimin e fotove të shkrepura prej saj.
Lori ka vendosur të reagojë pikërisht aty ku nisi dhe historia e shtatëzanisë, në SnapChat.
“Nuk e di se si një shkrepje e një snapchati ku Elvana është e ulur dhe kostumi i është rrudhosur mund të përkthehet në shtatëzani. Vetëm për eventin e mbrëmshëm janë nxjerrë mbi dhjetëra video dhe në të këto është publikuar Elvana duke kënduar, duke kërcyer, duke pirë verë dhe për më tepër Elvana duke pozuar përpara gazetarëve në tapetin e kuq. E nëse në të gjitha këto videot nuk ka asnjë llojë shenje për shtatëzaninë e saj si ka mundësi në 1 milion video të publikuara njëra paska qëlluar shtatëzan vetëm sepse mënyra e prerjes së kostumit të saj ka marr atë formë në kohën që ajo është ulur.”- shkruan Lori Hoxha në sqarimin e saj.
Pra mund të themi se kjo është e dyta herë brenda shumë pak ditësh që aludohet për një shtatëzani të grave të showbizzit, pas asaj që u tha për Tunën.
