Sot Policia e Durrësit ka arrestuar një 19-vjeçar i cili lëvizte me armë zjarri me silenciator në plazh.
Burime të policisë bëjmë me dije se S. Xh. 19 vjeç, banues në Shkodër, u prangos në afërsi të Shkëmbit të Kavajës. Gjatë kontrollit fizik atij iu sekuestrua një pistoletë me silenciator dhe një krehër me 5 fishekë. Nga fotot duket gjithashtu se i riu ka patur edhe çelat e tre automjeteve.
Lëvizja e personave të armatosur, kryesisht në ambiente publike siç janë plazhet krijon një situatë aspak të sigurt për qytetarët.
Dy ditë më parë në plazhin e Vlorës një person mbeti i vrarë me armë zjarri ndërkohë që pushuesit deklaruan se ishin shtrirë barkas menjëherë të tmerruar nga frika. Në Jalë gjithashtu para një jave, në një lokal nate ndodhi një përplasje ku dëshmitarët thonë se kishte të shtëna armësh dhe kjo solli panik. /Opinion.al
