Kjo tabelë gjigande (reklamë) është e vendosur në një biznes në autostradën Tiranë-Durrës. Krejt afër kryeqytetit, një shkrim i shkruar nga një analfabet irriton qytetarët e shumtë që e shohin çdo ditë. Tabela qëndron aty prej shumë kohësh dhe askush nuk reagon. Një qytetar e nisi foton në Opinion.al me shpresën se do të merren masa jo vetëm për të kontrolluar kushtet e punës në këtë biznes fason por edhe për të ndryshuar tabelën që masakron Gjuhën Shqipe.
Kjo nuk është hera e parë që ndeshemi me deformim të Gjuhës Shqipe, fatkeqësisht kjo po ndodh më shpesh jo vetëm në të folur por edhe në shkruar.
Nëse do të mund t’ju vinim në ndihmë këtij biznesi, fjalia shkruhet kështu:
“Kërkojmë personel të kualifikuar për rrobaqepësi, qëndisje, punëdore në ambientin e tekstileve”.
/Opinion.al
