Ish-këshilltari i Sali Berishës, Ilir Kadia përmes disa fotove në facebook, ka treguar rrezikun që iu kanos sot qytetareve nga rrëzimi i degëve të rrapit në rrugën e Liceut Artistik. Tirana u përfshi mbrëmjen e djeshme dhe paraditen e sotme nga stuhi ere e shiu ç’ka çoi edhe në rënien e pemëve.
“Tek rruga e Liceut, ndanë RTSH u këput e ra në mes të rrugës një degë e rëndë rrapi! Aty çdo orë të ditës kalojnë shumë makina e këmbësore mes të cilëve nxënësit e Liceut janë më të lëvizshmit! Mirëpo sot fati qe me ta, se qeveria e shpalli pushim të hënën që njerëzia të marrë forca për sulmin ndaj mishit të pjekur nesër, në Ditën e Festës Kombëtare.Pas feste me siguri do marrë masa që nëpër degët e rrepeve të mos varen si gjarprinj të zinj kabllot e trashë që i këpusin në mes rrepet edhe ashtu gati për të rënë edhe në ditë të zakonshme pune! Sot ishim me fat! Nesër…?!” shkruan Kadia.
