Të rinjtë e FRPD dhe LRI janë mbledhur para Ministrisë së Brendshme për të protestuar. Ata kërkojnë dorëheqjen e Xhafajt.
Si simbolikë të rinjtë kanë sjellë dhe një gomone ku ka disa qese të zeza, në formën e hashashit. Ata kanë kërkuar largimin e Xhafajt duke thirrur “Jep dorëheqjen”, por edhe “Rama Ik”.
Protestës së të rinjve iu bashkuan dhe deputetët e opozitës të cilët më herët ishin në komisionet parlamentare ku kërkuan gjithashtu largimin e Fatmir Xhafajt.
Godina e Ministrisë së Brendshme është rrethuar sërish nga një kordon policor, ku përqendrimi më i madh ka qenë në hyrjen e institucionit, ku dhe hyn ministri.
