Inaugurohet sot “Pazari i Ri”, tashmë i reahabilituar. Siç shihet nga fotot që publikon opinion.al dhjetëra njerëz janë mbledhur për të marrë pjesë në ceremoninë e organizuar nga Bashkia ku merr pjesë Rama, Veliaj dhe Tahiri.
Duket se nuk kanë përfunduar të gjitha punimet, por gjithsesi shiriti do të pritet sot në Ditën e Verës.
Reahabilitimi nisi në tetor 2016 për markatën ku do të vendosen mbi 300 tregtarë. Zona e Pazarit të Ri do të jetë pedonale, ku përpos tregut janë sistemuar dhe rrugët e fasadat e pallateve.
Vlera e këtij projekti është 6 milion euro dhe u financua nga
Fondacioni Shqiptaro-Amerikan i Ndërmarrjeve dhe Bashkia e Tiranës.
Gatimet tradicionale dhe dyqanet e artizaneve pritet ta kthejnë Pazarin e Ri në atraksion edhe për turistët. /Opinion.al
