Seanca e sotme plenare është ndërprerë brenda 30 minutave të para. Situata u tensionua kur deputeti demokrat Endri Hasa u ngrit drejt foltores së parlamentit për të goditur Ramën me vezë.
Kryeministri Rama sapo mori fjalën, u shpreh me ironi: “Grupi im parlamentar më ka dhënë 40 minuta kohë, por unë do ia dhuroj liderit të PD që erdhi sot në Parlament me mandate të pjekura dhe jo të djegura”.
Kjo duket se e ka acaruar Hasën i cili u ngrit me vrull drejt foltores për të goditur Ramën. Reagimi i Gardës ka qenë i mënjehershëm, duke mbërthyer deputetin e PD-së.
“Merreni e nxirreni jashtë atë”, thotë Rama për Hasën.
Gramoz Ruçi kërkoi përjashtimin e Hasës dhe ndërpreu seancën për 10 minuta. Edhe me rinisjen e seancës Hasa nuk kishte dalë jashtë, ndërsa Ruçi udhëroi Gardën ta nxjerr jashtë me forcë.
Në foto, momenti kur u godit Rama me vezë.
